angin nggebes lindu prahara
amuk sungsang tan keno leno
pranatan bubrah, bumine growah
sebab isi sirah sing wis owah
ngungun tunggak jati niro
kadyo wayah ketigo, sepi tanpa ron
kogel carang kagayuh angin
kumarokot oyot kerangket titimongso
angin nggebes lindu prahara
omah kobong, atine lewung
pranyatan kaparah dados pitedhah
sebab iman sing ora genah
mrajak tunggak jarak niro, kadyo wayah rendeng
ramening kukilo rebut segere embun ing wayah esuk
sesanti pujo minulyo, sinambat kolomongso ora lungo
No comments:
Post a Comment